दार्जीलिङ,15 जनवरी(निसं): 58 वर्ष भन्दा माथिका चिया बगान श्रमिकहरूलाई पेन्सन लाभको अनुरोध गर्दै जीटीए गोर्खाल्याण्ड टेरिटोरियल एड्मिनिस्ट्रेसन) श्रम विभागका मन्त्रीलाई पत्राचार गरेका छन्।पत्रबाट बन्द भएका चिया बगानहरूका श्रमिकहरूको कल्याण सम्बन्धी एक जरुरी मुद्दालाई उनको ध्यानमा ल्याउँदै फौलाई (असंगठित श्रमिक तथा मजदुरहरूको वृद्धावस्था आयको लागि आर्थिक सहायता) योजना अहिले सम्म 58 वर्ष सम्मका श्रमिकहरूको लागि जीवनरेखा रहेको छ। तर, यो उमेर सीमा नाघेपछि उनीहरू कुनै पनि लाभबाट वञ्चित हुन्छन् भनी थापाले बताएका छन्।
थापाले भनेका छन्, यसको परिप्रेक्ष्यमा, मैले चिया उद्योगमा आफ्नो जीवन समर्पित गरेका, प्रायः चुनौतीपूर्ण अवस्थामा काम गरेका यी बगान श्रमिकहरूलाई पेन्सन लाभ विस्तार गर्नुहुन् अनुरोध गरेको छु। धेरै श्रमिकहरूले दशकौंसम्म चिया उद्योगको वृद्धि र समृद्धिमा योगदान गरेका छन्, तर वृद्धावस्थामा उनीहरू कुनै सुरक्षाघेरा बिना नै छोडिन्छन्।उनले भने, सरकारलाई अनुरोध गर्दै माग गरेको छु कि यी श्रमिकहरूलाई गरिमापूर्ण र सुरक्षित आय प्रदान गर्ने एक पेन्सन योजना कार्यान्वयन गर्न विचार गरुन्, जसले उनीहरूको र उनीहरूका परिवारहरूको कल्याण सुनिश्चित गर्न सकोस्। यो सामाजिक सुरक्षातर्फ एक महत्वपूर्ण कदम हुनेछ साथै राज्यको अर्थतन्त्रमा उनीहरूले गरेको अमूल्य योगदानको पहिचान पनि हुनेछ।
चिया श्रमिकहरुको हितको निम्ति कार्य गर्नु मेरो व्यवस्था साथै बीजीपीएम पार्टी कटिबद्ध रहेको आफ्नो प्रतिबद्धता जनाउन चाहान्छु। जीटीए सभाका भाइस चियरमेन राजेश चौहानले मन्त्री लाई भेट गरी मेरो अनुरोध पत्र चढाएका थिए। मन्त्रीले सकारात्मक विचार राखेका राजेश चौहानले बताएका छन्।
