३३ नम्बर समष्टि वार्ड नं २१ गवर्मेन्ट हाइ स्कुल हुँदै मेफेरको पार्किङ जोनदेखि हाइवे लाई जोड्ने एप्रोच रोडको अवस्था एकदमै जिर्ण रहेको थियो। वाहनहरूलाई दुइचक्के चारचक्के सबैलाई नै त्यस सडकबाट आवतजावत गर्नु धेरै कठिनाइको सामना गर्नुपरिरहेको थियो। यस अवस्थामा सचेत व्यक्तित्वहरूको विशेष आग्रहमा उक्त क्षेत्रको सडकलाई पूर्ण रुपले अलकत्र लगाएर रूपरेखा नै नयाँ बनाइदिने कार्य नगरपालिकाद्वारा भइरहेको छ। तर काम गर्ने मजदुरहरूलाई सही प्रकारले काम गर्नु नदिएको अनि उल्टै बाटोको कामभन्दा पहिला नाली बनाइदिनुपर्ने अनि नाली नबनाए बाटो पनि नबनाऊ भन्दै वाधा दिएको कालेबुङ नगरपालिकाले बताएको छ। यस्तो प्रकारको कुविचारले गर्दा हामी खेद प्रकट गर्दछौं भन्दै अहिले घडी जहाँसम्म बाटो बनियो त्यहींसम्म मात्र बाटोको मर्मती कार्य गरिने अनि तल्लो भेग जहाँ मजदुरहरूमध्ये दुरव्यवहार गरेर काम गर्नमा रोक लगाउने जग्गाको नगरपालिकाद्वारा काम नगरिने नगरपालिकाले बताएको छ।
ज्ञात रहोस् यो सडकको काम जनहितको निम्ति गरिएको हो। यसको कुनै सरकारी अनुमोदन पनि नआएको तर सचेत व्यक्तिहरूको विशेष अनुरोधमा नगरपालिकाले आफै नै उक्त कार्यलाई कार्यान्वयन गर्दै सर्वसाधारणको निम्ति सुविधा हेतु कार्य गरेको हो।
तर यस्तो प्रकारको कुविचारको कारण कहिँ पनि काम गरिँदाखेरि असुविधा हुन्छ भने अनि काम बीचमै बन्द गरिए नगरपालिका यसको उत्तरदायी नहुने पनि कालेबुङ नगरपालिकाले बताएको छ।
