जीटीए सभामा पारित नगरी गोर्खा धरोहर लिजमा दिएको आरोप

इन्डियन गोर्खा जनशक्ति फ्रन्टले दार्जिलिङ मोड र अन्य गोर्खा धरोहरहरूलाई जीटीए सभामा पारित नगरी तथा पारदर्शिता बिना लिजमा दिएको आरोप लगाउँदै जीटीए पर्यटन विभाग र सरकारसँग तत्काल स्पष्टिकरण माग गरेको छ। आइजीजेएफका प्रवक्ता तथा सीडब्ल्युसी सदस्य आर.के. शर्मा, चिमनी देउराली ग्रामपञ्चायत प्रधान एवम् सीडब्ल्युसी सदस्य बिमल तामाङ, आइजीजेएफ ट्रेड युनियन समन्वयक बिप्पन गुरुङ र खरसाङ नगरपालिकाका क्षेत्रीय समन्वयक अभिनन्दन रावत उपस्थित थिए। पार्टीले यस कार्यलाई गोर्खा समुदायको भावना माथिको प्रहार भन्दै कागजी प्रमाणसहित विवरण सार्वजनिक गर्न जीटीए सरकारसँग माग गरेको छ।