दार्जीलिङ,19 नोभेम्बर(निसं):इन्टरलोक्युटर संयोजक अजय एवाडर्सले एक प्रेस विज्ञाप्तिमा भनेका छन्,जीटीए सभाको म स्वयम एक निर्वाचित सभासद भएको नाताले जीटीएको अवस्थालाई राम्रोसंँगले बुझेको छु,जीटीए पूर्ण रूपमा विफल भई सकेको छ।गत 2012 मा जीटीएको सम्झौता भएको हो तर जीटीए सम्झौता अनुरूप जीटीएमा कुनै कार्य भएको छैन।जीटीए गठन भएको यतिका बर्षहरू विति सक्दा पनि सम्झौता अनुरूप कुनै काम भएको छैन।जीटीए कम्जोर छ,राजनैतिक हस्तक्षेप छ।दार्जीलिङ पहाडको जनताले निर्वाचित गरेको जीटीए-लाई कोलकताबटा संचालन गरिन्दैछ।जीटीए कानून अनुसार जीटीए सभाको बैठक तीन महिनामा हुन पर्ने उलेख छ तर तीन बर्षको अवधिमा अहिलेसम्म सिर्फ तीनवटा जीटीए सभाको सभा भएको छ,यो लोकतन्त्रको अनादार हो।जीटीएमा खुल्ला रूपमा भष्ट्रचार मौलाउदैछ,नगर पालिका र जीटीएको सम्पति कसैलाई नसोधी 30 बर्ष भन्दा धेर समयसम्म लागि लीजमा दिने कार्यहरू भएको छ।नगरपालिका अथवा जीटीएको सम्पति बारे कुनै निर्णय लिन अघि नगरपालिका अथवा जीटीएको सभा डाकेर निर्वाचित जन प्रतिनिधिहरूलाई जानकारी गराउन पर्ने हो तर त्यस्तो कुनै कार्य भएन।स्थायी राजनैतिक समाधानले जातिया चिनारी बोकेको हुन पर्छ अनि त्यसले राजनैतिक सुरक्षा दिएको हुन पर्छ।देशको संविधान अनुसार हामीलाई बंगालदेखि छुटटै ब्यवस्था चाहिन्छ।यस विषयलाई इण्डियन गोर्खा जनशक्ति फ्रण्ड,ले पहिलो लाइनमा राखेका छन।राज्य भित्रको ब्यवस्था दार्जीलिङ गोर्खा पार्वतीय परिषद होस अथवा गोर्खाल्याण्ड क्षेत्रिया प्रशासन यी दुवैले जनताको जन आकांक्षा पूरा गर्न सकेनन।राज्यभित् व्यवस्थाहरू कोलकताको कठपूतली प्रमाण भई सकेका छन।राज्यभित्रको व्यवस्थाले हाम्रो जन आकांक्षा पूरा भएन।हामी राज्यभित्रको व्यवस्थालाई नकार्छ भने म लगायत मेरो सहकर्मी निर्वाचित सभासदहरू राजीनामा दिनु पनि तयार छौ।
