दार्जीलिङ,20 जनवरी(निसं):गाउँको सरकारदेखि लिएर मूल सरकारसम्ममा हाम्रो सत्ता छ। हामी अवश्य जित्ने छौ। हामीलाई जित्नु मात्र होइन,धेरै ठूलो मार्जिनले जित्नु छ भनी भारतीय गोर्खा प्रजातान्त्रिक मोर्चा(बीजीपीएम) अध्यक्ष अनित थापाले भनेका छन्।
दार्जीलिङ शहरवीच जज बजार स्थित बीजीपीएम केन्द्रीय कार्यलयमा पार्टीे अध्यक्ष अनित थापाले दार्जीलिङ महकुमा अन्तर्गतका समष्टि नेतृत्वहरु अनि कार्यकर्ताहरुसँग धारावाहिक भेटघाट गरिरहेका छन्। यसै क्रममा रेलिङ-कैजले समष्टिका कार्यकर्तालाई सम्बोधन गर्दै थापाले भने, हामी निश्चित रूपमा दार्जीलिङ पहाडको तीन वटै सिटमा जीत हासिल गर्नेछौ। हामी राम्रो मार्जिनले चुनाउ जित्नेछौ। पहिला जीटीए चुनाउ हुँदा हामी केही पनि थिएनौं। तर अहिले पञ्चायत, जीटीए, नगरपालिकामा हाम्रो नै सत्ता छ। गाउँको सरकारदेखि मूल सरकारमा नै हामी छौँ भने हामी सजिलोवसँग जित्नेछौ। हामीलाई जित्नु मात्र होइन धेरै ठूलो मार्जिनले जित्नु छ।
थापाले कार्यकर्ताहरुको मनोबल बढाउँदै भने, हाम्राे चुनाउको प्रचार शुरू भई सक्यो। अरूको अत्तोपत्तो छैन। पञ्चायत चुनाउमा अरू सबै एक गाँठ भएर हामी विरूद्ध लडेको हो। तर हामीले जित्यौं। एमपि चुनाउ हामी एक्लै लड्नु सक्ने हाम्रोमा ताकत थिएन। हाम्राे उम्मेद्धारलाई हामीले तृणमूल को चिन्हमा चुनाउ लडाएका थियौँ। तर 86 साल पछिको रोग लागेको कारण हामीले आयात गरेको चिन्ह कसैले मनपराएन।
उनले जोड दिँदै भने, गाउँको सरकारदेखि लिएर मूल सरकार सम्ममा हाम्रो सत्ता छ। साइकोलोजी ठीक राख्नुपर्छ। हामी अवश्य जित्ने छौ। हामीलाई जित्नु मात्र होइन,धेरै ठूलो मार्जिनले जित्नु छ।
थापाले अजय एडवर्ड्सले बीजीपीएम अनि पार्टीेल नेतृत्वहरुलाई दलालको संज्ञा दिएको माथि कटाक्ष गर्दै भने, राज्य सरकारसँग मिलेर काम गर्छु भनेर म धाक पिटेर नै भन्छु। राजनीतिमा गठबंधन भन्ने कुरा हुन्छ। के गठबंधन गर्नु दलाल हो? अजय एडवर्ड्सले हामीलाई दलाल भन्छन् तर उनको यो इतिहास हेरौं।
थापाले अजय एडवर्ड्सको अन्य पार्टीे का नेताहरुसँगको फोटो देखाउँदै भने, पहिलो पटक अजय एडवर्ड्स टीएमसीसँग गठबन्धन थियो। उनी म भन्दा पनि अघि टीएमसीसँग गठबन्धन गर्ने व्यक्ति हुन्। के उ पनि दलाल हो त्यसो भने?
राजु विष्टसँगको फोटो देखाउँदै भने, त्यसपछि उ बीजेपीसँग मिल्यो। टिकट नपाउँदा उ रोयो पनि। त्यो समय नीरज जिम्बाले टिकट पायो। त्यसपछि उ विमल गुरुङ, बीजेपीसँग मिलेर पञ्चायतको चुनाउमा बीजीपीएम विरुद्धमा चुनाव लड्यो। हामीले एक्लै चुनाउ लड्यौँ। हामीले क्षेत्रीय चुनाउ आफै लडेका हौ। तर उसले बीजेपी सँग गठबन्धन गरेर चुनाउ लडेको थियो। उनी अझै एकपल्ट दलाल भयो। अजयक राहुल गान्धीसँगको फोटो देखाउँदै भने, सांसदको चुनावमा मैले टीएमसीसँग गठबन्धन गरेर चुनाउ लडे। फेरि उसले काँग्रेससँग मिलेर चुनाउ लड्यो। त्यो समय उसको जमानत पनि जफ्त भयो
थापाले कटाक्ष गर्दै भने, उसैको भाषामा भन्नु हो भने बीजीपीएमका नेताहरु एक दलाल हो भने उ तीन दलाल रहेछ। वास्तवमा उसले राजनीति बुझ्दैन। राजनीति गर्नेले कुर्सी नै खोज्छ। कसैलाई केही भन्नु अघि आफूले पनि ऐनामा हेर्नुपर्छ, थापाले थपे।
