दार्जीलिङ,19 अप्रेल(निसं): इण्डियन गोर्खा जनशक्ति फ्रण्ड(आईजीजेएफ) संयोजक तथा दार्जीलिङ विधानसभा उम्मेदवार अजय एडवर्डस चुनाव प्रचारमा एतिहासिक स्थान गरसिङे पुग्नसाथ त्यस स्थानलाई धार्मिक पर्यटन स्थल बनाउने प्रतिबद्धता जाहेर गरेका छन्। इण्डियन गोर्खा जनशक्ति फ्रण्ड सयोजक तथा दार्जिलिङ विधानसभा उम्मेदवार अजय एडवर्ड आफ्नो चुनावी प्रचारको क्रममा हिजो साझ रेलिङ-कैजले समष्टि पर्ने सिक्किम सिमास्थित एतिहासिक स्थान गरसिङे पुगेका छन। दिउँसो रिम्बिक- लोधोमा क्षेत्रको चुनावी भ्रमण सकेर सुम्बुक हुँदै रेलिङ-कैजले छिरेका एडवर्डले सुम्बुक गुर्दुम झेपी लगायतको गाउँमा भेट्घाट गर्दै गरसिङे पुगेको हुन जहाँ एतिहासिक कुवा तथा गोर्खा सैनिकहरुले भाकल गरेको एतिहासिक हात्ती बाध्ने ढुगाको दर्शन गरे।
यसैवीच उनले, पहाडले साच्चै परिवर्तन चाहेको तथा यसको विकल्प भनेको आफुहरु रहेको तथा केन्द्र अनि राज्यको कुनै बैशाखीबिनै नै जनताको आकांक्षा अनुरुप आफुहरु चुनाव जाने निर्णय गरेको बताए। यसको साथमा कालेबुङ कृषक कल्याण सगठनका महासचिव विष्णु छेत्रीको पहलमा बिहारका आरजेडी सांसद सुधारक सिंहले संसदको आगमी सत्रमा गोर्खाल्याण्डमाथि प्राइभेट बील ल्याउने पहललाई ऐतिसाहिक मानेको तथा यसको निम्ति आफुहरुले दिलोज्यानले सहयोग गर्ने बताए।अर्कोतिर, यस ऐतिहासिक गरसिङेलाई स्वतन्त्रता पछि कसैले वास्त नगरे पनि आफुहरु पहिलो प्राथमिकता रहेको पार्टी नेता बुद्ध लक्समले बताए भने यस स्थानलाई धार्मिक पर्यटन स्थल बनाउन पहल गरिने बताए। कार्यक्रममा एडवर्ड वाहेक पार्टीका विभिन्न नेतृत्वहरु सगै पार्टी समर्थकहरुको विशेष उपस्थित रहेको थियो।
