उन्तीसऔं राष्ट्रिय युवा महोत्सव-२०२६ सोरेङका उपलब्धिहरू

उन्तीसऔं राष्ट्रिय युवा महोत्सव-२०२६ अन्तर्गत राज्यस्तरीय युवा महोत्सवमा सोरेङ जिल्लाका उपलब्धिहरू महत्वपूर्ण रहेको जानकारी पाइएको छ। यस सन्दर्भभमा सोरेङ जिल्ला, स्पोर्ट्स तथा युवा मामिला विभाग, खुशीका साथ जानकारी दिंदै भनेको छ- सोरेङ जिल्लाका युवा सहभागिहरूले राज्यस्तरीय युवा महोत्सव प्रतियोगिताहरूमा प्रशंसनीय सफलता प्राप्त गरेका छन्। यी प्रतियोगिताहरू सिक्किम सरकारको स्पोर्ट्स तथा युवा मामिला विभागले भारत सरकारको युवा मामिला तथा खेलकुद मन्त्रालयको सहकार्यमा आयोजित गरेका हुन्, जुन २९ औं राष्ट्रिय युवा महोत्सव (NYF) २०२६ को भागको रूपमा भएको हो। राज्यस्तरीय युवा महोत्सव प्रतियोगिता १८ देखि १९ डिसेम्बर २०२५ सम्म पाल्जोर स्टेडियम इनडोर ब्याडमिन्टन हल, गान्तोकमा सञ्चालन गरिएको थियो।
सोरेङ जिल्लाले कविता लेखन, उद्घोषणा, चित्रकला, समूह नृत्य, कथा लेखन, र समूह लोक गीत गरी छ प्रतियोगितात्मक कार्यक्रमहरूमा सहभागिता जनाउने। सहभागीहरूले असाधारण प्रतिभा, सिर्जनशीलता, र सांस्कृतिक उत्कृष्टता प्रस्तुत गरे, जसले राज्यस्तरमा उल्लेखनीय स्थानहरू सुरक्षित गर्यो: अनुप छेत्री – प्रथम स्थान, कविता लेखन, सुश्री लक्पा छिरिङ भुटिया – प्रथम स्थान, कथा लेखन, सुश्री मञ्जिला कामी – दोस्रो स्थान, चित्रकला, प्रविन छेत्री – तेस्रो स्थान, उद्घोषणा, बी.एड. कलेज टोली – तेस्रो स्थान, समूह लोक नृत्य। थप रूपमा, जिल्ला स्तरिय युवा महोत्सव छनोट परिक्षामा साथै राज्य स्तरिय प्रतियोगितामा उत्कृष्ट प्रदर्शनका आधारमा, अनुप छेत्रीलाई २०२६ जनवरी महिनामा नयाँ दिल्लीमा आयोजना हुने २९ औं राष्ट्रिय युवा महोत्सवमा सिक्किम राज्यको प्रतिनिधित्व गर्न छनोट गरिएको छ। यो उपलब्धि सोरेङ जिल्लाका लागि गर्वको विषय हो।
यस अवसरमा, सोरेङ जिल्लाको खेलकुद तथा युवा कार्य विभागका उपनिर्देशकले सोरेङ जिल्लाको SYAD का सबै पदाधिकारी र कर्मचारी, शिक्षकहरू, संस्थाहरू र सहयोगी कर्मचारीहरूलाई उनीहरूको समर्पित प्रयास र टीमवर्कको लागि हार्दिक कृतज्ञता व्यक्त गरेका छन्। उपनिर्देशकले सहभागीहरूलाई निरन्तर प्रोत्साहन, मार्गदर्शन र समर्थन गरेका अभिभावकहरूलाई पनि हार्दिक धन्यवाद व्यक्त गरेका छन्, जसले राज्य-स्तरीय युवा महोत्सवमा यी महत्वपूर्ण उपलब्धिहरूमा महत्वपूर्ण भूमिका खेलेको छ। यो समाचार स्पोर्ट्स तथा युवा मामिला विभाग, सोरेङ जिल्लाबाट जारी प्रेस विज्ञप्तिबाट जानकारी पाइएको हो।