सप्तर्षि अकादमीद्वारा अनुशासन र दायित्वबारे कार्यक्रम 

दार्जीलिङ,29 फरवरी(निसं):सप्तर्षि अकादमी स्कूलमा स्कूल सञ्चालनार्थ एक कार्यक्रम सम्पन्न गरियो । यस कार्यक्रममा सभापति पुनम दर्नाल, प्रमुख अतिथी सरण खालिङ विशिष्ट अतिथीहरु भक्त सुब्बा,मनिजम आदि लगायत अभिभावक र विद्यार्थीहरुलाई उपस्थित थिए। सेरिन सुब्बाद्वारा सञ्चालित कार्यक्रममा स्कूल सञ्चालनार्थ विद्यार्थीहरुलाई क्लब प्रमुख, कल्चरल प्रमुख, गेम एण्ड स्पोर्ट्स प्रमुख, लिटरेरी इत्यादि विषयमा चयन गरियो। यसदिन प्रमुख अतिथी सरण खालिङले स्कूल सञ्चालनार्थ जुन प्रकारले विद्यार्थीहरुलाई अभिभारा प्रदान गरियो, यो अत्यन्त सराहनीय कार्य रहेको बताए। स्कूल प्रतिको यो जिम्मेवारले विद्यार्थीहरुमा अनुशासन र दायित्व भन्ने कुरा के हो सो बुझ्ने एक अवसर रहेको उनले जनाए। किताबी शिक्षा मात्र प्रदान गर्नु शिक्षक शिक्षिकाको कर्तव्य नरहेर विद्यार्थीहरुलाई नैतिक जिम्मेवारशील बनाउँदै लैजानु पनि शिक्षक शिक्षिकाको दायित्व रहेको खालिङले  बताए। अहिले सोसियल मिडियाको समय नानीहरूलाई अधिक रूपमा मोबाइल चलाउनु दिनु अनुचित रहेको जनाउँदछ, यसको नियन्त्रणको निम्ति स्कूल पक्ष अनि अभिभावकहरुले पहल गर्नु पर्ने दायित्व रहेको पनि उनले जनाए।