जाति र क्षेत्रको उत्थानका लागि साझा मञ्चमा जुट्ने आह्वान

भारतीय गोर्खा तथा यस क्षेत्र (दार्जीलिङ, पहाड, तराई र डुवर्स) मा बसोबास गर्ने सम्पूर्ण गोर्खा र अन्य जातिहरूको आर्थिक, शैक्षिक, सामाजिक, राजनीतिक, प्रशासनिक, भौगोलिक, भाषिक, साहित्यिक र सांस्कृतिक विकास अन्य क्षेत्रहरूको तुलनामा भारत स्वतन्त्र भएको यति लामो समयसम्म पनि अपेक्षित ढंगले हुन सकेको छैन। अब समय आएको छ कि हामी सबै संघ, संस्था, समाज, अराजनीतिक संगठन र राजनीतिक दलहरू आफ्नो-आफ्नो स्वार्थभन्दा माथि उठेर, जाति र क्षेत्रको भविष्यलाई हामी फुटेर होइन, जुटेर, निदाएर होइन, जागेर “नसुतौँ, उठौँ!” भन्ने मन्त्रलाई आत्मसात गर्दै, जाति र क्षेत्रको दीर्घकालीन उत्थानका लागि अघाडि समय आएको छ। एक्लाएक्ला गर्दै यसको कुनै प्रभाव पनि हुने छैन। एक्लै एक्लै गर्दा यसको कुनै निचोड पनि देखिँदैन। सबैजना हामी एकमुष्ट भयो भने चाहिँ दरिलो हुन सकिन्छ।