इशान गुरूङलगायत जीटीए क्षेत्रबाट नानीहरू हराइरहेका छन्, ती घटनाहरू पीडादायक र सोचनीय हुँदै गइरहेको छ। यस्तो घटनाले सबै अभिभावकहरू चिन्तित छन्। यसप्रकारको घटना नघटोस् भन्ने विषयमा पुलीश प्रशासनले कडा सतर्कता अप्नाउन खाँचो छ भन्दै कालेबुङका नागरिकहरूद्वारा सञ्चालित सहारा ट्रस्टको एउटा टोलीले कालेबुङका पुलीस प्रमुखलाई ज्ञापन चढाएको छ। यो टोलीमा ट्रस्टका अध्यक्ष योगेश थापाको नेतृत्वमा संरक्षक वाइटी नाम्चु, प्रमुख सल्लाहकार दीपारानी ठकुरी, सचिव सुकमीत लेप्चा, कार्यकारी सदस्यहरू आमोस छेत्री, नन्दिनी राई र फरिदा लेप्चाको उपस्थिति रहेको चन्द्रकला राईले जानकारी दिएकी छिन्।
