प्रज्ञा डाेल्मा तामाङलाई विजय बनाउन सबैलाई भाेट गरिदिने अनुराेध

प्रज्ञा फ्यान क्लब मिरिकले मिरिक रङ्गशाला भवनमा साेमबार एउटा साँगीतिक कार्यक्रम गरि नेपाल राष्टमा आयाेजित सारेगामाप लिटल च्याम्प गायन प्रतियोगितामा फाइनलमा पुगेकी मिरिककी छाेरी प्रज्ञा डाेल्मा तामाङलाई प्रतियोगितामा विजय बनाउन सबैलाई भाेट गरिदिने अनुराेध गरियाे। यस अवसरमा जीटीएका कार्यकारी सभासद अरूण सिग्ची, सभासद मिलेस राई, जनसम्पर्क अधिकारी विवेक गाेले, मिरिक पन्चायत समिति सदस्य समीर राई, भागाेप्रमाे मिरिक महासचिव सतीस थापा, पन्चायत सदस्य दिमुक तामाङ ,मिरिक पारिजात संघका अध्यक्ष श्रीमती पुनम विश्व, सचिव पर्मिला सुब्बा, मिरिक ब्यवसाय संगठनका अध्यक्ष सेवन राई , मेक अप मरमाका प्रमुख कपील राई लगायत विभिन्न संघ संस्थाका प्रतिनिधि ,संगीतप्रेमीहरूकाे उपस्थिति थियाे। कार्यक्रममा बाल गायिकाहरू इशा राई, आश्मिक खवास, जीटीए आयडलका प्रतियाेगी रघु विश्व, मेराे भाेइस युनिर्भसका प्रतियाेगी आयन विश्वकर्मा, गायिका सुनिति खाती आदिले गीत प्रस्तुत गरे भने बन्टहिल, आश्मिक एण्ड ड्रिमर, आटिस अफ मिरिकले साँगीतिक कार्यक्रम प्रस्तुत गरे। साेही अवसरमा साधनाकला केन्द्रका कलाकारहरूले पनि नृत्य प्रस्तुत गरे। कार्यक्रममा सारेगामापा लिटल च्याम्पस प्रतियोगितामा सेमीफाइनलसम्म पुगेर बाहिर भएका बाल गायिका इनुङमा राईलाई पनि सम्मान गरियाे। कार्यक्रममा बाेल्दै कार्यकारी सभासद अरूण सिग्ची अनि सभासद मिलेस राईले प्रज्ञा डाेल्मा तामाङकाे पक्षमा सबैलाई भाेट गरिदिने अनुराेध गर्दै प्रज्ञालाई प्रतियोगितामा विजय बनाँउन सबै अघि आउनु पर्ने बताए।