गोपाल योञ्जन जयन्ती पालन गरिने

आगामी 18 सेप्टेम्बरको दिन कालेबुङमा वाग्येकार गोपाल योञ्जन जन्मजयन्ती भव्यरुपमा पालन गरिनेछ। यसउपलक्ष्यमा डेलो परिसरमा बिहान 10 बजे उनको प्रतिमाको उद्घाटन गरिनेछ भने मध्याह्न साडे 12 बजे रामकृष्ण शर्मा भवनमा आयोजित भव्य समारोहमा कालेबुङमै जन्मेका चर्चित र वयोवृद्ध गायक सङ्गीतकार अशोक राईलाई वाग्येकार गोपाल योञ्जन पुरस्कारद्वारा अलङ्करण गरिनेछ।
यो कार्यक्रम गोर्खाल्यान्ड क्षेत्रीय प्रशासनको सूचना संस्कृति विभाग अनि दार्जीलिङ र कालेबुङको गोपाल योञ्जन प्रतिष्ठानको संयुक्त तत्वावधानमा आयोजन गरिएको छ। उक्त समारोहमा कालेबुङका विधायक रुडेन सादा लेप्चा र कालेबुङ नगरपालिका अध्यक्ष रवि प्रधान प्रमुख अतिथिद्वयको रुपमा उपस्थित हुनेछन्। यसरी नै “गोपालञ्जली” नामक स्मृतिग्रन्थको विमोचन पनि गरिनेछ। यसअवसरमा समाजका सम्पूर्ण जनमानसलाई उक्त दुवै कार्यक्रमको साक्षी भइदिन हुन आयोजन समितिले चुल्हेनिम्तो दिएको चन्द्रकला राईले जानकारी दिएकी छिन्।