लोकसभा चुनाव अघि सरकारले जूट मील श्रमिकहरुको मिनिमम वेजेसमा बढोत्तरी गरयो, तर चियाबगान श्रमिकहरुको आजसम्म मिनिमम वेजेस लागू गरेको छैन, जुन रोज अनुसार हाम्रा श्रमिकहरुले आफ्नो जीवन धान्न अतिनै समस्या झेलिरहेको एच.एच.टि.डी.सी.एस.एसका अध्यक्ष डीके गुरुङले बताएका छन्।
हाम्रो हिल तराई डुवर्स चियाबारी श्रमिक संघका अध्यक्ष डीके गुरुङ लगायत तिलक लुंगेली, भीम सुनाम, प्रशान्त लामा पुगे मिरिक क्षेत्र अन्तर्गत सिम्बुली चियाबगान। चियाबगान श्रमिकहरुको मिनिमम वेजेस लागू हुनुपर्छ भनी पश्चिम बंगालको श्रम मन्त्रीलाई साथै प्रत्येक चियाबगानको प्रबन्धन कार्यालयमा श्रमिकहरुको पक्षबाट हाम्रो हिल तराई डुवर्स चियाबारी श्रमिक संघले पत्रचार गर्ने कार्य सिम्बुली चियाबगानबाट शुरु गरियो।
