गायिका जुनु गौतमको दुइ भीडीओ अल्बम लोकार्पित

चर्चित गायिका जुनु गौतमको दुइवटा भीडीओ अल्बमको लोकार्पण आइतबार गरिएको थियो। जसमा शव्दकार तथा सङ्गीतकार पीटी यल्मोद्वारा सङ्गीतवद्ध एउटा भजन र एउटा गीतको भीडीओ अल्बमको लोकार्पण गरिएको थियो। जसको संयोजन जीवन प्रकाश प्रधानले गरेका छन्। चर्चित सङ्गीतकार एवं अधिवक्ता जीवन अधिकारीको अध्यक्षतामा सालबाडीको प्रज्ञा भवनमा आयोजना गरिएको थियो। उक्त समारोहमा विशिष्ट अतिथिहरू नाटक र चलचित्रका विशिष्ट अभिनेताद्वय जीवन गुरूङ, ललित गोले, साहित्य अकादमी पुरस्कार विजेता मुक्ति उपाध्याय बराल, साहित्यकार ज्ञानेन्द्र खतिवडा, उद्घोषक र अभिनेता महेन्द्र थापा नरबीर रसाइली उपस्थित थिए। यसरी नेपाली सङ्गीत जगतका नायक, गायक सङ्गीतकार भानु रामुदामु, निर्माता-निर्देशक बिनोद विष्ट, गायक सङ्गीतकार पूजन लोहागन-अनुपमा प्रधान, गायक उत्तम अधिकारी, गायक सङ्गीतकार, अभिनेता सुनील खाती सुमित, निर्माता-निर्देशक राजु सशाङ्कर, अभिनेता टिकुम शर्मा, हिमालय दर्पणका प्रधान सम्पादक शिबु छेत्रीलगायत सङ्गीत र कलासङ्ग आवद्ध मानिसहरू उपस्थित थिए। स्वराञ्जली अकादमीको ब्यानरमा आयोजित समारोहमा रञ्जीता सुनार, प्रकाश प्रधान, शशी रसाइली, माया प्रधान रोका, आशीष खातीलगायत अन्यान्यले गीत प्रस्तुत गरेका थिए। यसै गरी कर्मा म्युजिक अकादमीका कलाकारहरूले गणेश वन्दना नृत्य गरेका थिए। उक्त समारोहमा शव्दकार तथा सङ्गीतकार पीटी यल्मोद्वारा दुइ अल्बम बनाउँदाको अनुभव बाँट्दै सबै कलाकारहरूलाई अरूको होइन आफ्नै गीत गाउने अनुरोध गरे। यसरी नै गायिका जुनु गौतमले उनलाई अघि बढाउन साथ दिने गीतकार, सङ्गीतकारहरू सबैप्रति कृतज्ञता ज्ञापन गरिन्। समारोहमा अल्बमका निर्देशक, कलाकारहरू, वाद्यवादकहरू यो कार्यक्रम सफल पार्न संयोजक देवीलाल प्रधानलगायत अन्यान्यको विशेष योगदान रहेको थियो।