‘पुलिस डे’मा जोरखोलादेखि आठ माइलसम्म बाइक रैली र म्याराथन

सोनादा ट्राफिक पुलिस अनि सोनादा पुलिस आउट पोष्टको आयोजनामा आज ‘पुलिस डे’ को अवसरमा जोरखोलादेखि आठ माइलसम्म बाइक रैली साथै म्याराथनको आयोजन गरिएको छ। उक्त बाइक रैलीमा सोनादा क्षेत्रका युवाहरु साथै विद्यार्थीहरुले सहभागिता जनाएका थिए। यस कार्यक्रमको प्रमुख अतिथिको रुपमा प्रेमुस भोटिया रहेका थिए‌ भने सोनादा ट्राफिक पुलिसको प्रभारी सबिन दर्नाल, सोनादा पुलिस आउट पोष्टको प्रभारी योगेस ठकुरी साथै पुलिस कर्मचारीहरु र सिभिक भोलेन्टियरहरु उपस्थित रहेका थिए। उक्त रैलीको आयोजना गर्नुको मुख्य उद्देश्य सेभ ड्राइभ सेफ लाइभ अन्तर्गत जागरुकता गराउनु साथै सोनादा क्षेत्रलाई ड्रग्समुक्त बनाउनलाई सचेतना फैलाउनु रहेको बताइएको छ।‌ उक्त सचेतना रैली र म्याराथन विषयमा पत्रकारहरुसित कुराकानी गर्दै सोनादा ट्राफिक पुलिसको प्रभारी सबिन दर्नालले विस्तृत रुपमा जानकारी गराएका छन्