सिङ्गेल चियाबारीकी निहारिका सुब्बाले गरिन् नीट परीक्षा उत्तीर्ण

खरसाङको सिङ्गेल चियाबारी निवासी पिता कीर्तन सुब्बा अनि दिपमाला सुब्बाकी छोरी निहारिका सुब्बाले नीट परीक्षा उत्तीर्ण गरेकी छन्। खरसाङको सन्त जोसेफ कन्या उच्चतर माध्यमिक विद्यालयमा पहिलो कक्षादेखि अध्ययन गरेकी निहारिकाले एघारौं अनि बाह्रौं कक्षा यहाँको सन्त अलफन्सस् उच्बतर माध्यमिक विद्यालयबाट विज्ञान विषयमा पूरा गरेकी हुन्। उनका पिता खरसाङ अस्पतालमा एम्बुलेन्स चालक हुन् भने आमा चियाबारीमा श्रमिक काम गर्छिन्। सानै उमेरदेखि पढ़नुमा खुबै असल निहारिकाले माध्यमिक अनि उच्च माध्यमिक परीक्षा पनि खुबै असल अङ्‌क ल्याएर पास गरेकी थिइन्। बाह्रौँ कक्षा उतीर्ण गरेपछि तिनले नीट परीक्षाको निम्ति तयारी गर्न एक वर्ष घरमा बसिन्। त्यसपछि अनलाइन मार्फत नीटको निम्ति कोचिङ गरिन्। खुबै परिश्रम गरेपछि एससी श्रेणीबाट नीट परीक्षा पास गरिन्।