विश्व पर्यटन दिवसको अवसर पारी लामाहट्टामा ताल उत्सव मनाइने

विश्व पर्यटन दिवसको अवसर पारेर लामाहट्टामा २७ सेप्टेम्बरमा पालन गरिने ताल उत्सवलाई केन्द्र गरेर मंगलबार यसको आधिकारिक लोगो अनि टी सर्ट लञ्च गरियो। जीटीए अनि राज्य पर्यटन विभागको सहयोग अनि लामाहट्टा होटल एण्ड होम स्टे अनर्स एसोसिएसन, लामाहट्टा युनाइटेड ड्राइभर्स एसोसिएसन अनि सहयोग संघ, लामाहट्टाको संयुक्त आयोजनामा हुने विभिन्न रङ्गरङ्गी सांस्कृतिक कार्यक्रमहरुको साथ पालन गरिने यो उत्सवको मुख्य आकर्षण रहने, १० किलोमिटर दौडमा विभिन्न प्रान्तका धावकहरुले अंशग्रहण गर्ने जानकारी पाइएको छ। यसलाई केन्द्र गर्दै स्थानीय धावकहरुले साङ्केतिक दौड पनि गरे।‌ मंगलबार लामाहट्टा ईको पार्कमा भएको यस कार्यक्रममा विकरन फाउण्डेसनका बिक्रम राई, रिम्बिक फ्रेसका मिङमा गिर्मी शेर्पालगायत अन्य अतिथिहरु उपस्थित थिए।‌
यसबारे जानकारी गराउँदै समिति प्रवक्ता फुर्बा शेर्पाले सहभागिता जनाउन चाहनेहरुको लागि अन लाइन- अफ लाइन फारम चाँडै उपलब्ध गरिने बताएका छन्।