बिन्दुवासी सचेत र पीडित जनताको पक्षबाट निमा छिरिङ भुटियाले भनेका छन्, हाम्रो क्षेत्रका सभासदले यस स्थानमा एउटा स्थायी समाधानको रूपमा एक पूलको निर्माण गरिदिनु भएमा सधैंभरि (बर्खायाममा) बर्खा झरीमा आइरहने त्यो समस्या सधैंभरिको निम्ति हटेर जाने थियो। किन भने यो सानो खोल्साले अघि पनि दुई बालिकाहरूलाई बगाएको थियो भने बाहिरबाट घुम्नु आउने यात्रीहरूको गाडी समेत बगाएर समस्यामा पारेको थियो। यसैले गर्दा हाम्रो सभासदलाई यस विषयमा मध्य नजर राखी हजुरको समयकालमा यो एउटा उत्तम कार्य हजुरको करकमलबाट भएको हामी सम्पूर्ण बिन्दुवासी हेर्न चाहन्छौं। यसरी नै हजुरले यस विषयलाई गहन रूपमा लिनु हुन्छ भन्ने हामी बिन्दुबासी पूर्ण आशा र भरोसामा बसेका छौं।
