गोरामुमोद्वारा गोर्खा अकर्ड र नागरिकता स्पष्टिकरण दिवस पालन

गोर्खा राष्ट्रिय मुक्ति मोर्चा खर्साङ ब्राञ्च कमिटीको आयोजनामा आज खर्साङ बजार गोर्खा जनपुस्तकालयमा ३८वाँ गोर्खा अकर्ड अनि गोर्खा नागरिकता स्पष्टीकरण दिवस पालन गरेका छन् । ब्राञ्च कमिटी अध्यक्ष निमा लामाको अध्यक्षतामा सम्पन्न भएको समारोहलाई सविव छेत्रीले संचालन गरेका थिए । समारोहमा दार्जीलिङ बिधानसभा क्षेत्रका बिधायक एवं गोरामुमो केन्द्रीय समिति सेक्रेटरी जनरल निरज जिम्बाको प्रमुख अतिथिमा ,गोरामुमो संस्थापक अध्यक्ष सुवास घिसिङको तस्बिरमा दीप प्रज्वलन गरि कार्यक्रमलाई अगि बडाउदै गोरामुमो केन्द्रीय समिति सदस्यगण , गोरामुमो शीर्ष नेतृत्ववर्ग , सम्पुर्ण भ्रातृ संगठन लगायत गोरामुमो कार्यकर्ताहरुको व्यापक उपस्तिथि रहेको पार्टीका मिडिया सेल प्रभारी दिनेस साम्पाङले जानाकारी दिएका छन् ।