रूफ टप क्यारियर-लाई केन्द्र गरेर लक्जरी वाहनहरुमाथि लाग्ने अल्टरेशन फाइनसँगै चेकिङ पनि अब बन्द हुने प्रदीप लामाले जानकारी गराएका छन्। अर्कोतिर पहाडको सडक सुविधाअनुसार ठूलो सरकारी बसहरु चाँडै सानो आकारमा प्रतिस्थापन गरिने लामाले थप जनाएका छन्।
सोमबार जिल्ला आरटीओ-सितको बैठकपछि प्रेस भेलालाई सम्बोधन गर्दै लामाले सेप्टेम्बरदेखि फेरि सुरु गरिने फाइन अनि चेकिङ-बाट दार्जीलिङ अनि कालेबुङका लक्जरी गाडीहरु अब मुक्त रहने बताएका हुन् । यसबाहेक ठूलो तथा लामो आकार भएको एनबीएसटीसी बसहरु हटाएर सानो आकारको बस प्रतिस्थापन चाँडै गरिने आरटीओ पक्षले आश्वस्त गरेको बताउँदै उनले व्यक्तिगत छाडेर गाडी चालक सङगठनहरु परहित एवं भलाइको निम्ति समर्पित भइ काम गर्नपर्ने अपिल गरेका छन्।
