धीरज गुरूङले चलाए मिरिक झीलमा सफाइ कार्य

मिरिकको रमणीय झील परिसरमा पर्यटकहरूलाई ताजा जुस बेचेर आफ्नो जीविकोपार्जन गर्दै आएका धीरज गुरुङ र उनकी श्रीमतीले एक प्रेरणादायी अभियानको शुरुवात गरेका छन्। “आफ्नो ठाउँ आफै सफा राखौं” भन्ने नारालाई आत्मसात् गर्दै उनीहरूले हरेक सोमबार झील परिसरमा सरसफाइ गर्ने प्रतिवद्धता व्यक्त गरेका छन्। आफ्नो कर्मक्षेत्रलाई सफा र सुन्दर राख्न उनीहरूले थालेको यो सराहनीय कार्यले सबैका लागि एउटा सुन्दर उदाहरण प्रस्तुत गरेको छ।