बहादुर गाउँमा चट्याङले टार्जन प्रधानको घर प्रभावित

जोरबङ्लो–सुकेपोखरी खण्ड अन्तर्गत मगरजोङको बहादुर गाउँमा आज बिहान करिब ५ बजे चट्याङले टार्जन प्रधानको घरलाई प्रभावित पारेको छ। उक्त घटनाले उनको घरमा जडान गरिएका बिजुलीको बल्ब, स्वीच लगायतका सामग्री क्षति भएको छ। त्यति मात्र नभई चट्याङले घर छेउमै रहेको रुखलाई समेत असर पारेको छ भने हालै निर्माणाधीन घरको ढलान (ढलाई) समेत चिरा परेको बताइएको छ। भाग्यवश, चट्याङको कारण कुनै मानवीय क्षति भने भएको छैन। घरकी अनु प्रधानको अनुसार छेवैको रुख र नयाँ घरले मुख्य घरलाई ठूलो क्षति हुनबाट जोगाएको उल्लेख गरेकी छिन्।