शंकर घोषले स्पष्ट धारणा राख्नुपर्ने सुझाव

खरसाङ, (निसं): सुकुना क्षेत्रका भाजपा नेतृत्व अजय शर्माले भारतीय जनता पार्टीका नेता तथा विधायक शंकर घोषलाई एउटा प्रेस सम्मेलन आयोजना गरेर सिलगढ़ीमा घटित घटनाबारे आफ्नो स्पष्ट धारणा राख्ने आग्रह गरेका छन्‌‍। तिनले शंकर घोषबाट हालैको घटनासँग सम्बन्धित विषयहरूमा स्पष्ट र जिम्मेवार अभिव्यक्ति दिनुपर्ने बताएका छन्‌‍। शर्माले भारतीय गोर्खा प्रजातान्त्रिक मोर्चाले केवल भोट ब्याङ्क सुरक्षित गर्नका निम्ति भाजपा नेतृत्वमाथि आरोप लगाउने र समाजमा अस्थिरता सिर्जना गर्ने रणनीति अपनाएको आरोप लगाएका छन्‌‍। तिनले जनताको भावना र समुदायको एकतालाई भड्काउने प्रयास गरिँदैछ भन्दै तिनीहरू यसमा चुप लागेर नबस्ने बताएका छन्‌‍। शर्माले विधायक घोष यस विषयलाई लिएर जनता समक्ष आउनु आवश्यक छ भनी बताएका छन्‌‍।