गोर्खाल्याण्ड क्षेत्रीय प्रशासनको प्राथमिक शिक्षा विभाग अन्तर्गत रहेका प्राथमिक शिक्षक शिक्षिकाहरुको लागि मङ्गलबार सर्विस बुक डे पालन गरिएको थियो। खरसाङको गिद्ध पहाड क्षेत्रमा जीटीएको डेपुटी चेयरम्यान एवं प्राथमिक शिक्षा विभागको प्रभारी सभासद राजेश चौहानको विशेष उपस्थितिमा गोर्खाल्याण्ड क्षेत्रीय प्रशासनको प्राथमिक शिक्षा विभागको 13 वटै सर्कलका शिक्षक शिक्षिकाहरुलाई लिएर सर्भिस बुक डे पालन गरिएको थियो। यस अवसरमा प्राथमिक शिक्षक शिक्षिकाहरुले आफ्नो आफ्नो सर्भिस बुक हेरेर सही गर्नुको साथै आफ्नो विवरण लिनको साथै विस्तृत जानकारी पनि संकलन गरेका छन्। जीटीएको डेपुटी चेयरम्यान एवं प्राथमिक शिक्षा विभागका प्रभारी सभासद राजेश चौहानले 2022 मा जीटीए आएपछि जीटीए प्रमुख अनित थापाको निर्देशनमा प्राथमिक शिक्षक शिक्षिकाहरुको विभिन्न समस्याहरु समाधान हेतु सर्विस बुक डे पालन गर्दै सबै कागज पत्रहरु तयार पार्ने कार्य गरिएको र सबैले आफ्नो सर्विस बुक हेरेर सही गरेको बताए।
