पूजा बोनस अभियानको दोस्रो चरणको कार्य़क्रम बागडोगराको मटिगडामा TIPA र TIA लाई ज्ञापनपत्र बुझाएर सफल भएको बताइएको छ। ज्ञापनपत्रमा 2024-25 को लागि पूजा बोनस सम्बन्धी मुख्य मागहरू प्रकाश पारिएको थियो र आइजीजेएफको श्रमिक सङ्गठन प्रमुख डीके गुरुङको निर्देशन अनुसार प्रस्तुत गरिएको थियो। यसक्रममा
दार्जिलिङ, तराई र डुअर्सका चिया बगानका मजदुरहरूका लागि एकताबद्ध समर्थन प्रदर्शन गर्दै सम्बन्धित अधिकारी र प्रतिनिधिहरू बिहान ११ बजे घटनास्थलमा भेला भएका थिए। नेतृत्वले चिया बगानका मजदुरहरूलाई उचित व्यवहार र आर्थिक न्याय सुनिश्चित गर्न आफ्नो प्रतिबद्धता दोहोरायो।
