BGPM पार्टी पहाडको भविष्य हो। ययो राजनैतिक दल मात्र नभई पहाडको नयाँ सोच पनि भएको अनित थापाले दावि गरेका छन्।
दार्जीलिङ ब्लुमफिल्ड ऋषिहाट समष्टि अन्तर्गत नगरपालिका क्षेत्रको 5 अनि 6 वार्डमा भारतीय गोर्खा प्रजातान्त्रिक मोर्चाको समर्थन कार्यक्रम आइतबार आयोजन गरिएको थियो। केन्द्रिय अध्यक्ष अनित थापाको उपस्थितिमा महासचिव अमर लामाको बाहुलीबाट लगभग 71 परिवारले पार्टीको झण्डा ग्रहण गरेका थिए।
समर्थन सभालाई सम्बोधन गर्दै अनित थापाले भने-BGPM पार्टी पहाडको भविष्य हो। हामी राजनैतिक दल मात्र होइनौं तर पहाडको नयाँ सोच पनि हौं। हामी दलको अस्तित्वको लडाईंमा होइन, पहाडको अनि समाजको परिवर्तनको सङ्घर्षमा मैदानमा उत्रेका छौं भन्ने बताए।
थापाले, चुनाव जित्ने हाम्रो रहर होइन। चुनाव जिताउने काम त जनताले गर्छ। उहाँहरूको सोचले चुनाव जिताउँछ। उहाँहरुले हाम्रो काम, व्यवहार, सोचलाई कसरी अनुभव गर्छन् त्यसैको आधारमा हामीलाई भोट दिन्छन् या दिँदैनन्। त्यसैले चुनावमा जित्छु भनेर हामी काम गर्दैनौं तर हाम्रो कामले कसरी समाजको सेवा हुन्छ अनि व्यक्तिको सोचलाई परिवर्तन गर्छ, त्यो हाम्रो उद्देश्य भएको बताए। उनले हाम्रो राजनीति समाज परिवर्तनको राजनीति हो भन्दै सत्ता मोहको राजनीति नभएको बताए।
