भारतीय गोर्खा जनशक्ति फ्रन्ट र हिल्स तराई डुवर्स श्रमिक संगठनले यसपटक चिया बगानका श्रमिकहरूका लागि २०% बोनसको माग गरेका छन्। उनीहरू आफ्नो यस मागमा अडिग रहेको जानकारी मिरिक महकुमा ट्रेड युनियनका अध्यक्ष तिलक लुङ्गेली र आईजीजेएफका केन्द्रीय सदस्य रोजेस थापाले दिएका छन्।
नेता द्वयले यस वर्षको बोनस भुक्तानीमा २०% माग गर्दै यो मागमा कटिबद्ध रहेको बताएका छन्। यस सम्बन्धमा उनीहरूले सम्बन्धित पक्षसँग वार्ता गर्ने र आफ्ना माग पूरा गराउन हरसम्भव प्रयास गर्ने बताएका छन्।
