दार्जीलिङ,31 अगस्त (निसं): दार्जीलिङ नजिक कागझोडाको वन विभाग क्वार्टर आगलागी काण्डमा दार्जीलिङ अग्निशमन विभागका सम्पुर्ण क्रु मेम्बर्स, सम्पुर्ण पानी बोक्ने ट्रकका ड्राइभर दाजु-भाईहरू , अन्य ड्राइभर दाजु भाई , स्थानीय मानिसहरू , आईजीजेएफ-का स्वयंसेवकहरू , दार्जीलिङ नगरपालिकाका अध्यक्ष साथै 11 नम्बर वार्डका नगरपाल साथै पुलिस अनि वन-विभागका स्वयंसेवकहरुको अथक प्रयासमा धेरै नै क्षति भएतापनि अन्तत आगोलाई काबुमा ल्याउन सफल भए – सबै नै धन्यवादका पात्रहरू हुन् भनी सभासद विनय तामाङले भनेका छन्।उनेल अझ भनेका छन्,एकता नै सम्भव भएसम्मको उत्तम शक्ति हो। यद्यपि सात परिवारहरू पुर्णतय प्रभावित भएका छन् । जिल्ला प्रशासन, जीटीए अनि पश्चिम बंगाल सरकार- ले पीडित परिवारहरूलाई पर्याप्त क्षतिपुर्तिको निम्ति व्यवस्था मिलाइयोस् । सबै परिवारहरूले आफ्ना आवश्यकीय र महत्त्वपुर्ण कागजातहरू गुमाएका छन्। विभिन्न सरकारी संस्थाहरूमा रेकर्ड अनुसार आवश्यक कागजातहरू उपलब्ध गराउनु पश्चिम बंगाल सरकार र दार्जीलिङ जिल्ला प्रशासनले सहायता प्रदान गरिदियोस भनी विनय तामाङले माग गरेका छन्।
