खरसाङ ट्राफिक पुलिसको आयोजनामा खरसाङमा ड्रग्स रोकथामको लागि सचेतना कार्यक्रमको आयोजन नयाँ बजारस्थित टाउन सार्वजनिक भवनमा गरिएको थियो। उक्त ड्रग्स रोकथामको लागि आयोजित सचेतना कार्यक्रमलाई खरसाङ ट्राफिक पुलिसको प्रभारी बीरेन्द्र छेत्रीले सञ्चालन गरेका थिए। कार्यक्रममा खरसाङ क्षेत्रका विभिन्न संघ संस्थाहरुका प्रतिनिधिहरु, विभिन्न विद्यालयहरुका विद्यार्थीहरु, निर्वाचित जनप्रतिनिधिहरु साथै समाजसेवीहरु उपस्थित रहेका थिए। ड्रग्स सेवन र बिक्री रोकथामको लागि आयोजित सचेतना कार्यक्रममा खरसाङ महकुमा पुलिस अधिकारी एसडीपीओ आईपीएस निरजा अनीश शाहले स्वागत सम्भाषणसितै ड्रग्स रोकथामको लागि सचेतना गराएकी थिइन्। कार्यक्रममा डीएफओ देवेस पाण्डे, दार्जीलिङका डीवाईएसपी ट्राफिक शेरप शेर्पाले ट्राफिक र ड्रग्स विषयमा सचेतनामूलक वक्तव्य राखेका थिए। त्यसरी नै खरसाङ महकुमा शासक आइएएस बिन्दबासिनी तेजा दिपक, खरसाङ भूमि सुधार विभागका अधिकारी निमाल लेप्चाले वक्तव्य राखेका थिए भने वरिष्ठ अधिवक्ता रमेश अग्रवालले ड्रग्स सेवन र बिक्रीमा के कस्तो कानुनी प्रावधान लाग्ने भन्ने विषयमा कानूनी जानकारी गराएका थिए।
अमेरिकामा बेचिएका धेरै आइफोन भारत निर्मित
admin
August 2, 2025
