डा. इन्द्र हाङ सुब्बाको केन्द्रीय मन्त्रीद्वयसङ्ग भेटवार्ता

सिक्किमका लोकसभा सांसद डा. इन्द्र हाङ सुब्बाले सिक्किमका चार प्रमुख सामुदायिक संस्थाहरू – अखिल किरात राई संघ, डेन्जोङ शेर्पा संघ, सिक्किम तामाङ बौद्ध संघ र अल सिक्किम गुरुङ (तमु) बौद्ध संघ- द्वारा पेश गरिएको संयुक्त प्रतिवेदनलाई अनुमोदन गर्दै औपचारिक रूपमा शिक्षा मन्त्रालयलाई पत्र लेखेका छन्। सीबीएसई कक्षा ११ र १२ मा राई, शेर्पा, तामाङ र गुरुङ भाषाहरूलाई ऐच्छिक दोस्रो स्थानीय भाषाको विषयको रूपमा समावेश गर्न डा. सुब्बाले व्यक्तिगत रूपमा केन्द्रीय शिक्षा मन्त्री धर्मेन्द्र प्रधानलाई संसद भवनस्थित उनको कार्यालयमा भेटे अनि शिक्षा राज्यमन्त्री डा. सुकान्त मजुमदारलाई उनको निवासमा भेटेर यस विषयको खाँचो र सांस्कृतिक महत्त्व बुझाएका छन्।