हिमालयको काखमा अवस्थित प्राकृतिक र आध्यात्मिक सौन्दर्यले भरिएको सुन्दर राज्य सिक्किमको दक्षिण अनि पश्चिमी भेगमा पर्ने लेग्शेपस्थित पवित्र किराँतेश्वर शिवधाममा सोमबार श्रावण महीनाको दोस्रो सोमबारको अवसरमा ऐतिहासिक भक्तजनको भीड देखिएको थियो। धार्मिक मान्यता अनुसार शिवको आराधनाका लागि सर्वोत्तम मानिने श्रावण महिनामा शिवधाममा हिजो जल चढाउने भक्तहरुको संख्या पचास हजार नाघेको प्रशासनले जनाएको छ।