सिटोङ -३ ग्रामपञ्च्यात अन्तर्गत थामडाँडा मूल सडकदेखि यहाँको प्रसिद्ध पर्यटनीय स्थल पाँचपोखरीतिर जाने डेड किमी० सडकको जीर्ण अवस्था भएकोले लघु चिया उत्पादक समिति तथा होमस्टे पक्षको संयुक्त प्रयासमा सिमेण्टेड सडक बनाउने कार्य गरिएको छ। यहाँ लोकसभा सांसद विधायकदेखि लिएर पञ्चायती व्यवस्था साथै जीटीए पनि सक्रिय हुँदाहुँदै पनि यसरी क्षेत्रवासीले श्रमदान र आर्थिक सहयोगमा उक्त जीर्ण सडकको मर्मति कार्य गरिरहेका छन्। वर्तमान यो थामडाँडा परिसर अथवा अप्पर सिटोङ होमस्टे पर्यटनको निम्ति पर्यटकहरुको फस्ट च्वाइस बनेको छ। यस क्षेत्रमा लगभग २० वटा जति होमस्टे सञ्चालित छ भने पाँचपोखरीको ऐतिहासिक भ्यु पोइण्ट छ। साथै यहाँ धेरै कृषकवर्गगले जीविकोपार्जनको निम्ति चियाको खेती गरेका छन्। तथापि दुखको कुरा जुन ठाउँवाट सरकारले धेरै रेभिन्यु पाउँछ त्यही ठाउँमा जाने सडकको अवस्था किन हरिबिजोक छ ? प्रशन उठछ। धेरै अघिदेखि धेरै पटक पक्की सडकको मागंपत्र बुझाए तापनि आजसम्म केही पनि नहुनु दुःखलाग्दो कुरा रहेको लघु चिया उत्पादक समितिका सचिव किशन गुरुङ बताउँछन्।
