एसएससीसीद्वारा गोर्खाल्याण्डको मागमा पोस्टरिङ्ग

पृथक राज्य गोर्खाल्याण्ड गठनले मात्र शहीदहरुको साँचो मूल्याङ्कन हुने अलग राज्य समन्वय समिति (एसएससीसी)-ले दावी गरेको छ। भोलि पालन गरिने गोर्खाल्याण्ड शहीद दिवसको ठीक एकदिनअघि उक्त अडान राख्दै एसएससीसीले पहाडव्यापी पोस्टरिङ्ग गरेको जानकारी छ।
यता दार्जीलिङमा पोस्टरिङ गरेपश्चात समितिका सिद्धान्त राई अनि किरण प्रधानले मिडिया सम्बोधन गरे भने केन्द्र र राज्यको हली-गोठालो हुने क्षेत्रीय दलहरुले शहीदहरुलाई खडा र मालामा सीमित तुल्याएको गम्भीर आरोप लगाए।