बिजनबारी 24 जुलाई(निसं): कृषकहरुको उन्नति र सुविधाको निम्ति कृषि विभाग बिजनबारीद्वारा पानीको पाइप लगायत अन्य सामग्रीहरु वितरण गरियो। यो सहुलियत सरकारको पीडीएमसी अन्तर्गत बंगला कृषि सिँचाइ योजनाद्वारा वितरण गरिएको कृषि अधिकारी अभिनव बाग्दासले जानकारी दिए। बुधबार 32 जना कृषकहरुलाई उक्त पानिको पाइप वितरण गरिएको जनाउँदै अहिले सम्म 5 सय भन्दा अधिक कृषकहरुले प्राप्त गरि सकेको उनले अवगत गराए। यस बाहेक हरेक कृषकहरूले 12 हजारौं लिटर पानी सिंचाइ गर्नको निम्ति ट्याङ्की बनाउने सहुलियत पाउने पनि उनले बताए भने यसको निम्ति कृषकहरूले आधा प्रतिशत मात्र लगानी लगाउनु पर्ने सुविधा रहेको उनले जनाए। बितेका दिन कृषकहरुलाई उन्नत प्रजातिको कोदो, कालो दाल,मकै आदिको विजनहरु वितरण गरिएको जानकारी दिए। कृषक बन्धु योजना अन्तर्गत कृषकहरूले धेरै सहुलियतहरु पाउने गर्छन् सो कृषक दाजु भाईहरुले आफ्नो कागज-पत्र सठीक रूपमा बुझाईदिए अति असल हुने उनले अपिल पनि गरे।
