सौरेनी बस्तीवासीलाई लगभग गत तीन महीनाअघि वितरण गरिएको जमिनको पट्टा पूर्ण रूपमा आवादी पट्टा रहेको सौरेनी बस्ती खासमहल संरक्षण समितिकी कार्यवाहक अध्यक्ष तथा पञ्चायत समिति सदस्य चेतना तामाङले बताएकी छन्। उनले आज सौरेनीमा पत्रकारहरूसँग कुराकानी गर्ने क्रममा कतिपय व्यक्तिहरूले राजनीतिक स्वर्थका लागि उक्त पट्टा अझै पनि पेट्रोल पम्प पट्टा नै रहेको अफवाह फैलाउने कार्य गरिरहेको भएको तर यो सरसर झुटो रहेको बताएकी छन्। यस विषयमा हिज पनि भूमि औ भूमि सुधार विभाग मिरिकले एउटा सूचना जारी गर्दै सौरेनी बस्तीवासीले पाएको पट्टा आबादी पट्टा रहेको आधिकारिक जानकारी दिइसकेको बताइन्। उनले तीन सय तीन वस्तीवासीले पट्टाका लागि कागज पत्र सुम्पिएको जसमा 136 जनाको पहिलो चरणमा स्वीकृत भएको बताइन्।
