मिरिक महकुमा अन्तर्गत मिरिक बस्ती लेप्चा डाँडा देउसे डाँडा प्रथामिक पाठशाला रातभरिको हावापानीले क्षति गरेको छ। हावाले प्राथमिक पाठशाला भवनको छानाहरू उडाइदिएको छ भने कक्षाभित्र पानी पसेर पठन पाठनमा समस्या सृजना गरेको छ। उक्त प्राथमिक पाठशालाको भवन हावापानीले क्षति गरेपछि मिरिक थर्बु डुप्टिन समष्टिका सभासद मिलेस राईले स्थलगत भ्रमण गरि वस्तुस्थिति बुझे। राईले हावापानीले गरेको क्षय क्षतिको विवरण आफूले संग्रह गरेको अनि भवन पूर्णनिर्माणको लागि शीघ्र पहलको लागि सम्बन्धित निकायसित कुरा गरिने बताए।
