केयरिङ ह्याण्ड-लाई विस्तार गर्दै सोमवार दार्जीलिङ शाखा समिति गठन गरियो। दिल्लीमा गरिने उपचार सेवाको लागि अब पहाडका असहाय जनसाधारणले उक्त समितिसित केयरिङ ह्याण्ड-लाई सम्पर्क गर्नपर्ने संस्थापक अध्यक्ष शिशिर राईले आग्रह गरेका छन्। यसको लागि मानिसहरुले नव गठित कमिटी सभापति प्रणिमा विश्वकर्मा अनि सचिव जितेन लिम्बुलाई सम्पर्क गर्ने सक्ने बताउँदै उनले आउँदो शनिवार दार्जीलिङ दिव्यवाणी भवनमा हुने सेमिनारमा दिल्ली एम्स-विशेषज्ञ डा. प्रशित ढकालसित सुगर, थाइराइड अनि हर्मोनबारे कुराकानी गर्न सकिने थप जानकारी गराएका छन्।
