तथि अनुसार साउनको पहिलो सोमवार भक्तजनले शिव लिङ्गमा जल चड़ाए

खरसाङ, 14 जुलाई (निसं): यो सोमवार असार महिनाको 30 गते अर्थात साउन महिना लाग्न बाँकी रहेको भए तापनि खरसाङमा धेरै भक्तजनले सावन महिनाको व्रत अरम्भ गरेका छन्। सोमवार खरसाङका शिवलिङ्गहरूमा जल चड़ाउने भक्तजनको संख्या केही कमी रहे तापनि भक्तजनले जल चड़ाए। हिन्दू पञ्चाङ्ग अनुसार सावन महिनाको कृष्ण पक्षको चतुर्दशी तिथिलाई पहलो सावनको सोमवार मानिएको छ। यसै तिथिमा साउनको व्रत आरम्भ गर्ने चलन रहेको छ। यो तिथिको आरम्भ 14 जुलाई अर्थात सोमवार राति 1 बजेर 2 मिनटमा हुने बताइएको छ। यसैले तिथि अनुसार 14 जुलाई साउन महिनाको पहिलो सोमवार रहेकोले यसै सोमवारदेखि साउनको व्रत आरम्भ गरिएको हो भनी कतिपय भक्तजनले बताएका छन्। सोमवार खरसाङको शिव मन्दिरहरूमा भक्तजनले शिव भगवानको पूजा गर्नको साथै जल चड़ाएका छन्। जल चड़ाउनेहरूमा महिला भक्तजनको संख्या अधिक देखिएको छ। तिथि अनुसार साउनको पहिलो सोमवार रहेकोले खरसाङको राम मन्दिर अनि अन्य मन्दिरहरूमा पूजाको अनुष्ठान आरम्भ भएको छ। साउनको महिनामा हिन्दू भक्तजनले शिव भगवानको आरधना गर्ने हुनाले माछ-मासु, लसुन-पियाज नखाने पनि चलन रहेको छ। साउनको महिना आरम्भ भएकोले धेरै हिन्दू महिला अनि युवतीहरूले आफ्नो हातमा मेहदी लगाएको पनि देखिएको छ। खरसाङका भक्तजनहरू काँवड़ यात्रामा गइरहेका छन्। तथापि कतिपय महिलाहरूले भने साउनको व्रत आगामी सोमवादेखि आरम्भ गर्ने बताएका छन्।