मानव उत्थान सेवा समिति मिरिक तहसिल अन्तर्गत सेलिम्बोङ शाखाको आयोजनामा बिहीबार पोख्रेबोङ सार्वजनिक भवनमा गुरु पूर्णिमा एवं व्यास जयन्ती पालन गरियो। मिरिक तहसिल प्रभारी महात्मा मुकुन्द बाईजी, अनि महात्मा अग्नि बाइजीको विशेष उपस्तिथिमा आयोजितगुरु पुजामा क्षेत्रका व्यापक भक्तजनको उपस्थिति रहेको थियो। कार्यक्रममा भजन प्रस्तुतिको निम्ति भोइस अफ नेपालका प्रतियोगी आर्यन तामाङ एवं अन्य अन्यहरुको उपथिस्ति रहेको थियो भने प्रमुख अतिथिको रुपमा क्षेत्रीय सभासद भुपेन्द्र बम्जन, विशिष्ट अथितिको आसनमा कर्माध्यक्ष विनोभा ओझा, पञ्चायत सदस्यहरु लगायत विभिन्न विद्यालयका शिक्षक शिक्षिकागणको उपस्थिति रहेको पूर्वाञ्चल महासचिव प्रकाश हाङखिमले जानकारी गराएका छन्।
