दार्जीलिङमा सञ्चालित कला संगम मञ्चको साहित्य तरङ्गको सातौं प्रकरण आगामी ३१ अगस्त २०२५ आइतबारको दिन गोर्खा दुःख निवारक सम्मेलन भवनमा आयोजन गरिने भएको छ। गोर्खा दुःख निवारक सम्मेलन भवनमा कला संगम मञ्चका अध्यक्ष मनिराज खनालको सभापतित्वमा आयोजित सभामा यस कुराको निर्णय गरियो। कला संगम मञ्च दार्जीलिङद्वारा गरिने कार्यक्रम खुल्ला आकाश प्रतियोगिताको पनि छैटौं प्रकरण सम्पन्न गरियो। उक्त खुल्ला आकाश प्रतियोगिताको उपसमितिका संयोजक संजीव गजमेर थिए भने उक्त प्रतियोगितामा धेरै सदस्यहरुले सहभागिता जनाएका थिए। प्रतियोगिताको विषय नाटक लेखन रहेको थियो जसमा पहिलो प्रथम राजा काम्बाङ, दोस्रो किशन सार्की अनि तेस्रो श्रवणकुमार प्रधान बन्न सफल भए। खुल्ला आकाश प्रतियोगिताका विजेता सदस्यहरूलाई अध्यक्ष मणिराज खनालको बाहुलीबाट माल्यार्पणको साथमा प्रमाणपत्र अनि पारितोषिकद्वारा सम्मानित गरिएको छ। उक्त प्रतियोगिताका प्रायोजक विशन कार्की अनि योगिता राई उप समितिका सदस्यगणहरु थिए।
