दार्जीलिङ, 9 जुलाई(निसं): रक्तदान नै जिवनदान हो भन्ने मुलमन्त्रलाई आत्मसात गर्दै जोरबंगलो थानाको मुख्य आयोजना तथा लाइन्स कल्ब अफ खर्साङको सहयोग मगलबार एक दिवसीय रक्तदान शिविर घुममा सम्पन्न गरियो। घूम-जोरबंगलो सार्वजनिक भवन घुममा आयोजना गरिएको शिविरमा जोरबंगलो थाना प्रभारी निरज चाम्लिङ, जोरबङलो ट्राफिक प्रभारी बिकास राई सगै सम्पुर्ण प्रशासनीक अधिकारीगण, सिभिक भोलेन्टियर, घुम जोरबंगलो ट्याकी एसोसिएसनका पदाधिकारी संगै चालकवर्ग, रंगबुल आरएमएस एसोसिएसनका सदस्यहरु लगायत सर्वसाधारणको बिशेश रूपमा उपस्थिति थियो भने शिविरमा जम्मा 44 जना मानिसहरुले रक्तदान गरेको आयोजक समितिले जनाएको छ।
