बाघमारा बस्तीमा धान रोपाईको कार्य गर्दै

मानिसहरुले मेहनत र परिश्रम गरेर कसरी खानुपर्छ भन्ने कुरा गाउँ बस्तीबाट उदाहरण लिनुपर्छ। अर्ग्यानिक खाने कुरा खानु र स्वस्थ रहनु गाउँ बस्तीमा जस्तै मेहनत र परिश्रम गर्नुपर्छ भन्ने उहादरण त छँदैछ। यस्तै एक उदाहरण तीनधारे महानदी समष्टिको बाघमारा बस्तीमा अहिले पनि मानिसहरु‌ आफ्नो मेहनत र परिश्रम गरेर धान रोपाईको कार्य गर्दै आईरहेका छन्। खरसाङ क्षेत्र अन्तर्गत सिटोङ, रोहिणी र सिविटारको बाघमारा बस्तीमा अझै पनि मानिसहरू धान रोपेर अर्ग्यानिक धान फलाउँछन्। प्रत्येक वर्ष यहाँ धान रोपाईको कार्य गरिन्छ। यसपाली यहाँ असारको पन्ध्रमा धान रोपाई नभए पनि धान रोपाईको कार्य गरिएको छ।