किराँत खम्बु राई कल्याण समाजको स्थापना दिवस

मिरिक महकुमा अन्तर्गत मरमा चियाकमानको सामाजिक संस्था किराँत खम्बु राई कल्याण समाजको पहिलो स्थापना दिवस आइतबार मरमा कल्चर भवनमा विविध कार्यक्रमको साथमा पालन गरियो। समाजकी अध्यक्ष श्रीमती यानु राईको अध्यक्षता अनि रूद्रप्रभा राईको संचालनमा भएको कार्यक्रममा वसन्त थुलुङले स्वागत मनतब्य प्रस्तुत गरेका थिए। सुम्निमा पारूङहाङको फोटोअघि दीप प्रज्ज्वलन गरेपछि शुरू भएको कार्यक्रममा समाजका जेष्ठ सदस्यहरू सुरेन्द्र थुलुङ, मणि राई, गोबिन राई, परशु वाङदेल, अमर दुङमाली लगायत समाजका सदस्यहरूको व्यापक उपस्थिति रहेको थियो। कार्यक्रममा समाजका अस्सी बर्षमाथिका 6 महिला अनि 9 जना जेष्ठ नागरिकहरूलाई सम्मान गरियो। सोही अवसरमा समाजको पक्षबाट पत्रकार मुस्कान खेसाङ राई, कलाकार भास्कर राई , मेक अप मरमाका संस्थापक कपिल राई, सामाजिक कार्यकर्ताहरू देवदास देउसा, जितेन वाङ्देललाई पनि उनीहरूले दिएको याेगदानकाे कदर गर्दै स्मृति चिन्ह प्रदान गरेर सम्मानित गरियो।