आईजीजेएफ दार्जीलिङ-पुलबजार खण्ड कार्यालयको उद्घाटन

बिजनबारी, 6 जुलाई(निसं): संगठनलाई थप मजबुत तथा प्रभावकारी बनाउने प्रमुख उदेश्यको साथमा इण्डियन गोर्खा जनशक्ति फ्रण्ट(आईजीजेएफ)दार्जीलिङ-पुलबजार खण्ड कार्यालयको शनिबार उद्घाटन गरियो। बिजनबारी बजारमा शुरु गरिएको कार्यालय उद्घाटन समारोहमा पार्टीका प्रमुख संयोजक अजय एडवर्ड्सको विशेष उपस्थिति थियो भने उनैको बाहुलीबाट कार्यालय  उद्घाटन गरियो। संयोजक एडवर्ड साथमा  आईजीजेएफ केन्द्रीय समिति सदस्य एनबी खवास, सभासद प्रतिम सुब्बा, दार्जीलिङ-पुलबजार खण्ड समिति संयोजक भरत तामङ, दार्जीलिङ- नगरपालिका-का भूतपूर्व अध्यक्ष रितेश पोर्तेल,  केन्द्रीय समिति सदस्य एवं नगर पार्षद गोपाल परियार,एचएचटीडीसीएसएस अध्यक्ष डीके गुरुङल गायत ब्लक कमिटीका अन्य पदाधिकारीगण साथै पुल-बिजनबारी-गोक, रेलिङ कैजले अनि रिम्बिक- लोधोमा समष्टिका पार्टी कार्यकर्ताहरूको बाक्लो उपस्थिति रहेको थियो।

Rabin Rai