मिरिक महकुमा अन्तर्गत थर्बु नन्दलाल गाउँ निवासी अवकाशप्राप्त भारतीय सैनिक मुस्कान तामाङ अनि चालक सुमन तामाङले स्थानीय शेराब छोइलिङ गुम्बामा आवत जावत गर्नेहरूलाई यातायातमा सुविधा होस् भन्ने उदेश्य राखेर निजी कोषमा जेसीभीद्वारा सडक खनन कार्य शनिबारदेखि शुरू गराएका छन्। यस अवसरमा बोल्दै समाजसेवीद्वयले, एकचोटीको जुनीमा मरेर लानु केही छैन। बाँचुन्जेल पुण्यको कार्य गर्नपर्छ भन्ने भावना आफूमा जागृत भएपछि अनि गुम्बामा दर्शन गर्न, खोर्लो घुमाउन आउने विशेष गरि वृद्ध अनि बाल बालिकाले यातायातमा भोग्न परेको समस्या समधान गर्न निजी कोषमा सडक खनन गरेको बताए। उक्त सडक खनन कार्यको लागि क्षेत्रीय सभासद मिलेस राईप्रति पनि अर्जी चडाएका थिए तर कतिपय कारणले उनले जेसीभी उपलब्ध गराउन सकेनन्। तर खनन कार्य भएपछि उक्त सडकलाई अलकत्रे बनाउन सभासदले पहल गरिदिने कुरोमा हामी आशावादी रहेको बताए। द्वयले सडक खनन कार्य गर्नको लागि जमिन उपलब्ध गरिदिनेहरूप्रति पनि आभार प्रकट गरे। स्मरण रहोस् मुस्कान तामाङले यसभन्दा अघि पनि गुम्बामा लगभग 6 लाख रूपियाँ निजी खर्च गरेर खोर्लो निर्माण गरिदिएका थिए।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
