मानेबुङ देन्ताम क्षेत्रका सम्माननीय विधायक सुदेश कुमार सुब्बाको दूरदर्शी पहलमा देन्ताम क्षेत्रको गुम्पाडाँडामा चिया खेतीको विशेष योजना अघि बढाइएको छ। यस महत्त्वाकांक्षी योजनाले क्षेत्रको आर्थिक, पर्यावरणीय र सामाजिक विकासमा नयाँ आयाम थप्ने अपेक्षा गरिएको छ।
यसैक्रममा आज विधायक सुब्बा चिया खेतीका लागि आवश्यक बिरुवाको गुणस्तर र स्वास्थ्यको निरीक्षण गर्न टि गार्डेन (चिया बगान) पुग्नुभयो। निरीक्षणको क्रममा बिरुवाको स्वास्थ्य अवस्था, रोग प्रतिरोध क्षमता, उत्पादन क्षमता र अनुकूलता सम्बन्धी विस्तृत जानकारी संकलन गरिएको छ।
