किराँत संघ सिङ्गबुङ डेराको सामाजिक कार्य बाटो सफाई

मजुवा, 30 जुन (निसं): किराँत संघ सिङ्गबुङ डेराले सामाजिक कार्य गर्दै सवाजी खोलादेखि बाटो, नाली सफाई कार्यक्रम गरेको छ। सिङ्गबुङ डेरा किराँत संघका सदस्यहरूले सफाई अभियान चलाएर लगभग 3 किलोमिटर बाटो अनि नाली सफाईको कार्य गरेको छ। वर्खामौसममा विभिन्न मैलाकुचेला, पातपतिङ्गार आदिले नाली झोडा बन्द गरेर बाटो बिगार्न सक्ने बताउदै समयमा साफ-सफाईको कार्यक्रम गर्नु उचित हुने जनाए। भारतका प्रधानमन्त्री नरेन्द्र मोदीको स्वच्छ भारत अभियान कै एक अंश रहेकोले हाम्रो घरआँगन, परिवेश सफासुग्घर राख्नु, बाटोघाटो देखरेख हामी सबैको कर्त्तव्य रहेको संघका सभापति अमिर सुब्बाले जनाए। बिहान 10 बजीदेखि बेलुकी 5 बजीसम्म लगातार खटिएका किराँत संघका 47 जना सदस्यहरू लगायत अन्य गाउँलेहरूले आजको यस सफाई अभियानमा श्रमदान दिएर कार्यक्रमलाई सफल बनाउन योगदान दिएका गाउँलेहरू सबैप्रति संघका सभापति सुब्बाले कृतज्ञता प्रकट गरेका छन्।