‘गुरूजी योगा रवि’ले आइतबारदेखि कालेबुङ टाउन हलको कन्फरेन्स हलमा निःशुल्क रुद्राक्ष एकुप्रेसर शिविर आरम्भ गरेका छन्। उक्त शिविर २६ जुनसम्म प्रत्येक दिन सञ्चालन हुनेछ। आयुर्वेद, योग तथा वैकल्पिक चिकित्सा प्रणालीको समन्वयमा आधारित यस शिविरमा विविध प्रकारका दीर्घरोगका बिरामीहरूले उल्लेखनीय लाभ लिइरहेका छन्।
शिविरको उद्घाटन कार्यक्रममा कालेबुङ जिल्लापाल बालासुब्रमण्यम टी, कालेबुङ-१ खण्ड विकास अधिकारी समिरूल इस्लाम, पञ्चायत समिति सभापति ममता गुरूङ आदिको विशेष उपस्थिति रहेको थियो। कार्यक्रमले आधिकारिक समर्थनका साथै सामाजिक सहभागिताको राम्रो उदाहरण पेश गरेको छ।
गुरूजी योगा रविका अनुसार, रूद्राक्ष एकुप्रेसर विधि दीर्घकालीन रोगहरू क्रमैले दीर्घ पीडा, मधुमेह, जीवनशैली जन्य रोगहरू, अटोइम्युन रोगहरू, गठिया लगायत प्रमुख रोगहरूको उपचारमा प्रभावकारी देखिएको छ।
गुरूजी योगा रविले भने: “यस उत्कृष्ट अवसरबाट धेरैले फाइदा उठाइरहेका छन्। यस्तो दुर्लभ चिकित्सा सेवा निशुल्क उपलब्ध हुनु दुर्लभ कुरा हो। स्वास्थ्य समस्याबाट पीडित आफ्ना आफन्तहरूलाई जानकारी गराउनुहोस् र दैनिक शिविरमा उपस्थित भइ लाभ लिनुहोस्।”
