दार्जीलिङ,21 जुन(निसं):प्रत्येक साल 19 जूनको दिन अन्तर्राष्ट्रिय योगा दिवसको पालन गर्दै यसै अनुरुप भारत सरकारको मेरा युवा भारत अन्तर्गत दार्जीलिङ जिल्ला अनि कालेबुङ जिल्लामा पनि भव्य रुपमा अन्तराष्ट्रिय योगा दिवस पालन गरिएको जानकारी मेरा युवा भारतको डिप्टी डाइरेक्टर देवकुमार च्याटर्जीले दर्पणलाई दिएका छन्। च्याटर्जीले बताए अनुसार, विशेष रुपमा दैनिक योगा गर्नाले मानिसको जिवनमा पुग्ने फाईदा अनि यसले मानिसको दीर्घ आयु अनि जिवनभर निरोगी बनाउन ठुलो सहयोग पुर्याउने गर्छ भन्ने जागरुकता विशेष गरेर अहिलेको युवा वर्गहरुमा जनचेतना फैलाउन अनि दैनिक योगा गर्ने अभ्यास गर्नु पर्ने सरकारको प्रमुख उद्देश्य रहेको हो। अन्तराष्ट्रिय योगा दिवस दार्जीलिङ जिल्ला मेरा युवा भारतको तत्वधनमा धोतरिया उच्च माध्यमिक विद्यालय अनि कालेबुङको सरकारी महा बिद्यालयमा पनि छात्र छात्राहरुलाई लिएर भव्य रुपमा पालन गरिएको जानकारी च्याटर्जीले दिएका छन्। जसमा सामूहिक रूपमा छात्र छात्राहरु अनि शिक्षकवर्गद्वारा योगा अभ्यास गरियो भने पछि कार्यक्रममा योगा सम्बन्धित विभिन्न सचेतनामुलक कार्यक्रमहरु पनि आयोजना गरिएको थियो।
