खरसाङ सुपर लीग 2026, तेस्रो संस्करणको दुईवटा खेल बी डिभिजन बी डिभिजनका टीमहरूलाई लिएर सम्पन्न गरियो। पहिलो खेल युनाइटेड डुमाराम एफसी अनि सिमानाटार एनएसकेसी माझ सम्पन्न भयो। यस खेलमा युनाइटेड डुमाराम एफसीका खेलाड़ीहरूले 7 गोल गरे भने सिमानाटार एनएसकेसीका खेलाड़ीहरूले कुनै गोल गर्न सकेनन्। यस खेलमा युनाइटेड डुमाराम एफसीका खेलाड़ी इमानुएल तामाङले 4 गोल गर, प्रयास राईले 2, विजय राईले 1 गोल गरे। यस खेलमा उत्कृष्ट खेलाड़ी युनाइटेड डुमाराम एफसीका खेलाड़ी एमानुएल तामाङलाई चयन गरी प्रमाण पत्र धर्मराज राणाको बाहुलीबाट प्रदान गरियो।
दोस्रो खेलमा एसएसएस तीनधारे अनि जेआर 32 फुटबल एकाडेमी माझ खेलाइयो। यस खेलमा एसएसएस तीनधारेका खेलाड़ीहरूले 12 गोल गरे भने जेआर 32 फुटबल एकाडेमीका खेलाड़ीहरूले कुनै गोल गर्न सकेनन्। एसएसएस तीनधारेका खेलाड़ी संगम प्रधानले 4 गोल, मध्यान सुब्बाले 4, क्रिस राईले 2, रिन्जेन तामाङले 1, सिद्धान्त थापाले 1 गोल गरे। यस खेलको उत्कृष्ट खेलाड़ी तीनधारेका संगम प्रधानलाई चयन गरी प्रमाण पत्र वीरेन्द्र राईको बाहुलीबाट प्रदान गरियो। शनिवारको खेलको सञ्जालनमा हिल रेफेरीस एसोसिएसनका शिशिर राई मुख्य रेफेरीको रुपमा रहेका थिए, सहायक रेफेरी मनिष थापा अनि शौरभ शंकर, फोर्थ अफिसियल सञ्जय थापा थिए।
